Arkiv
 |
Analizë e veprimtarisë së Bibliotekës Kombëtare gjatë vitit 2010
Më 18 janar të vitit në vijim u mblodh Këshilli Administrativ i Bibliotekës Kombëtare, i cili analizoi veprimtarinë e institucionit për vitin 2010.
 |
“Në gjurmët e Nënë Terezës në Kalkutë”
Viti 2010, në përkujtim të 100-vjetorit të lindjes, është shpallur Viti i Nënë Terezës. Në këtë kuadër paraditen e datës 9 dhjetor u hap në mjediset e Bibliotekës Kombëtare ekspozita fotografike e titulluar “Në gjurmët e Nënë Terezës në Kalkutë”.
 |
Shkenca e bibliotekave dhe Albanologjia
Edicioni i pestë i Konferencës Kombëtare të Bibliotekonomisë, si institucion kulturor-shkencor i përbashkët Shqipëri-Kosovë, u mbajt më 22 - 23 nëntor 2010 nën temën Shkenca e bibliotekave dhe Albanologjia. Konferenca u organizua në mjediset e Bibliotekës Kombëtare të Shqipërisë. Veprimtarinë e hapi znj. Farfuri Xhaja, një ndër specialistet e shquara të shkencës së bibliotekave në Shqipëri. Ajo theksoi traditën e krijuar tashmë të bashkëpunimit midis bibliotekave të Shqipërisë dhe Kosovës si dhe temën e gjetur të këtij edicioni në funksion të plotësimit të detyrave themelore të bibliotekave kombëtare të të dy vendeve.
 |
Arbëreshët në Risorgimento-n italiane
Më 12 nëntor vijuan në Bibliotekën Kombëtare veprimtaritë për 150 vjetorin e Bashkimit të Italisë. Në një nga mjediset e saj u mbajt konferenca Arbëreshët në Risorgimento-n italiane nga studiuesi arbëresh Elio Miracco si dhe u bë paraqitja e ribotimit të librit Shqiptarët dhe Garibaldi të historianit Koli Xoxi.
 |
Garibaldi dhe liria e popujve në Bibliotekën Kombëtare
Instituti Italian i Kulturës, në bashkëpunim me institucione shkencore dhe kulturore në Tiranë, ka programuar disa veprimtari që shënojnë 150-vjetorin e Bashkimit të Italisë.
 |
Konferencë rajonale e American Corner-ve
Nën organizimin e Ambasadës së ShBA-së në Tiranë dhe Bibliotekës Kombëtare të Shqipërisë më 28 shtator u çel në mjediset e kësaj të fundit konferenca rajonale e American Corner-ve. Konferencën e hapi z. Aurel Plasari, drejtor i Bibliotekës Kombëtare...
 |
100-vjetori i lindjes së Nënë Terezës: Ekspozita “Shqipëria vend shenjtorësh”
Në 100-vjetorin e lindjes së Nënë Terezës, si edhe në kuadër të veprimtarive për 90-vjetorin e Bibliotekës Kombëtare, në mjediset e saj u çel ekspozita “Shqipëria vend shenjtorësh”.
 |
Donacion dhe vizitë lamtumire e ambasadorit amerikan në Bibliotekën Kombëtare
Para largimit nga Shqipëria z. John L. Withers II, ambasador i Shteteve të Bashkuara të Amerikës në vendin tonë, bëri një vizitë lamtumire në Bibliotekën Kombëtare. Në mjedisin e American Corner ambasadori u prit nga ministri i Turizmit, Kulturës, Rinisë dhe Sporteve z. Ferdinand Xhaferraj dhe drejtori i Bibliotekës Kombëtare ...
 |
Konferencë shtypi për 90-vjetorin e Bibliotekës Kombëtare
Ministri i Turizmit, Kulturës, Rinisë dhe Sporteve z. Ferdinand Xhaferraj dhe drejtori i Bibliotekës Kombëtare z. Aurel Plasari shënuan, në një konferencë për shtyp, ditën historike të 90 vjetëve prej themelimit të Bibliotekës Kombëtare dhe bënë të njohur paketën e veprimtarive që do të organizohen me rastin e këtij përvjetori.
 |
Çmimi Kombëtar i Bibliofilisë “Lumo Skendo” 2009
Ndër botimet e shumta cilësore të realizuara gjatë vitit 2009 ishte pikërisht Statutet dhe urdhëresat e kapitullit të Kishës Katedrale të Drishtit = Statuta et ordinationes capituli Ecclesiae Cathedralis Drivastiensis, botim i shtëpisë botuese Ombra GVG, që fitoi çmimin kombëtar të bibliofilisë “Lumo Skendo”.
 |
Marrëveshje e Bibliotekës Kombëtare për partneritet të plotë në Bibliotekën Europiane
Midis Bibliotekës Kombëtare të Shqipërisë (BKSh) dhe Konferencës së Drejtorëve të Bibliotekave Kombëtare të Europës (CENL - Conference of European National Librarians) u nënshkrua marrëveshja e partneritetit të plotë të BKSh në Bibliotekën Europiane (European Library). Nënshkruan marrëveshjen në emër të BKSh drejtori Dr. Aurel Plasari dhe në emër të CENL kryetarja Dr. Elisabeth Niggemann.
 |
Biblioteka Kombëtare e Shqipërisë nënshkruan memorandum mirëkuptimi me Bibliotekën e Aleksandrisë
Gjatë një vizite pune në Bibliotekën e Aleksandrisë (BA) Dr. Aurel Plasari, drejtor i Bibliotekës Kombëtare të Shqipërisë (BKSh), nënshkroi më 5 maj 2010 një memorandum mirëkuptimi midis dy institucioneve.
 |
Memorandum bashkëpunimi për rivlerësimin e trashëgimisë së shkruar të shtetit shqiptar dhe në veçanti të parlamentarizmit
Nismëtare e festimit të 23 Prillit, Ditës Botërore të Librit, Biblioteka Kombëtare përzgjodhi për këtë vit një ngjarje të rëndësishme: nënshkrimin e Memorandumit të bashkëpunimit me Kuvendin e Shqipërisë.
 |
100-vjetori i lindjes së botuesit Ismail Mal’Osmani
Po më 23 Prill, Ditën Botërore të Librit, Biblioteka Kombëtare organizoi në mjediset e saj (salla e botimeve referative) veprimtarinë kushtuar botuesit të viteve '30-'40, Ismail Mal’Osmani, me rastin e 100-vjetorit të lindjes së tij.
 |
Java e Bibliotekës në Kosovë
U mbajt edicioni i tetë i Javës së Bibliotekës në Kosovë (12-17 prill 2010). Në këtë ngjarje të përvitshme ishin ftuar edhe përfaqësues të Bibliotekës Kombëtare të Shqipërisë. Në ditën e dytë të veprimtarive, të zhvilluara në mjediset e Bibliotekës Kombëtare dhe Universitare të Kosovës, u prit me interes ligjërata Albania e Konicës për “ne” dhe “të tjerët”, mbajtur nga Dr. Aurel Plasari, drejtor i BKSh.
 |
"Poetë të mëdhenj amerikanë" në Bibliotekën Kombëtare
Ezra Pound, Thomas Eliot, Wallace Stevens, John Ashbery dhe Robert Hass kanë qenë pesë autorët amerikanë të përzgjedhur nga Botimet Aleph për të inauguruar kolanën “Poetë të mëdhenj amerikanë”, e cila u promovua më 3 mars 2010 në American Corner të Bibliotekës Kombëtare.
 |
Rreth 1000 libra donacion i Bibliotekës Kombëtare për zonën e përmbytur
Biblioteka Kombëtare organizoi një konferencë shtypi më 20 janar, në të cilën shpalli nismën për t’u dhuruar një kontigjent prej 1000 librash bibliotekave shkollore të zonave të përmbytura në rrethin e Shkodrës.
 |
Dr. Aurel Plasari nderohet me dekoratën e Mirënjohjes
Një ceremoni festive për shënimin e 65-vjetorit të themelimit të Bibliotekës Kombëtare dhe Universitare të Kosovës (BKUK), u organizua më 25 nëntor 2009 në Prishtinë, në prani të autoriteteve të larta të qeverisë së Kosovës, përfaqësuesve të trupit diplomatik, të botës akademike të Prishtinës etj. Me këtë rast Dr. Aurel Plasari iu dorëzua dekorata e Mirënjohjes për kontributin e shquar në forcimin e lidhjeve ndërmjet BKUK dhe BKSh.
 |
Rezolutë
Konferenca Kombëtare e Bibliotekonomisë, si institucion kulturor-shkencor i përbashkët Shqipëri - Kosovë, mbajti më 23 - 24 nëntor 2009, edicionin e katërt të saj nën temën “Nga bibliografia te webografia e librit shqip”. Konferenca u organizua në mjediset e Bibliotekës Kombëtare dhe Universitare të Kosovës në Prishtinë. Ajo u ndoq nga menaxherë të bibliotekave kombëtare, universitare, publike, specialistë të shkencës së bibliotekonomisë nga të dy vendet etj.
 |
Dhurim testamentar për Bibliotekën Kombëtare
40.000 dollarë US është shifra befasuese, e depozituar në një bankë të Nju Jorkut dhe tanimë e kaluar në një bankë shqiptare, që i ka lënë për dhurim Bibliotekës Kombëtare të Shqipërisë Prof. dr. Safete (Sofia) Juka. Me një jetë të kaluar në mërgim, mes vështirësish jo të pakta, Safete (Sofia) Juka mbetet e njohur në kulturën shqiptare për punimet e saj historike, ndër të cilat dallon monografia “Kosova: The Albanians in Yougoslavia in light of historical documents”, New York 1984.
 |
Sesion konsultativ për çështje të bibliografisë në Prishtinë
Në formën e një tryeze të rrumbullakët u organizua në Prishtinë më 16 korrik 2009 një sesion konsultativ për çështje të bibliografisë shqipe. Specialistë të Bibliotekës Kombëtare dhe Universitare të Kosovës (BKUK) dhe të Bibliotekës Kombëtare të Shqipërisë (BKSh) shprehën pikëpamjet e tyre në fushën e teorisë dh të praktikës së bibliografisë.
 |
Marrëveshje për shkëmbimin e shtypit midis Bibliotekës Kombëtare të Shqipërisë dhe Bibliotekës Kombëtare dhe Universitare të Kosovës
Nisur nga dëshira për të forcuar dhe thelluar marrëdhëniet e bashkëpunimit, z. Aurel Plasari, në cilësinë e drejtorit të Bibliotekës Kombëtare të Shqipërisë, dhe z. Sali Bashota, në cilësinë e drejtorit të Bibliotekës Kombëtare dhe Universitare të Kosovës, nënshkruan më 25 qershor 2009 në Tiranë marrëveshjen e bashkëpunimit për shkëmbimin e shtypit.
 |
Workshop rajonal për probleme të ISBN-së
Si e para veprimtari rajonale për probleme të ISBN-së, workshopi i zhvilluar në mjediset e Bibliotekës Kombëtare më 8-9 qershor 2009 ngjalli interes te pjesëmarrësit. I organizuar nga Biblioteka Kombëtare e Shqipërisë dhe Agjencia Ndërkombëtare e ISBN-së, ky workshop trajtoi probleme teorike dhe praktike në fushën e standardizimit të të dhënave për librin në rrafsh global.
 |
Shpallet fituesi i edicionit të tretë të çmimit të bibliofilisë “Lumo Skëndo”
Z. Ardian Turku, ministër i Turizmit, Kulturës, Rinisë dhe Sporteve, organizoi më 21 maj 2009 në mjediset e Bibliotekës Kombëtare shpalljen e fituesit të edicionit të tretë (2008) të çmimit kombëtar të bibliofilisë “Lumo Skëndo
 |
Konferencë e studiuesit Bernd Fischer në Bibliotekën Kombëtare
I ftuar nga Qendra e Studimeve Albanologjike dhe i mirëpritur nga Biblioteka Kombëtare, studiuesi amerikan Bernd J. Fischer, profesor i historisë në Universitetin Indiana në SHBA, ka mbajtur më 16 maj 2009 në Sallën Amerikane konferencën "Synimet e Gjermanisë naziste në Shqipëri, 1943-1944". Merrnin pjesë albanologë, studiues dhe personalitete të fushave të ndryshme...
 |
Përurim rikonstruksioni në Bibliotekën Kombëtare
Më 11 maj 2009, në përfundim të konkretizimit të Marrëveshjes së bashkëpunimit nënshkruar këtë fillimviti ndërmjet Drejtorit të Bibliotekës Kombëtare z. Aurel Plasari dhe Drejtorit Ekzekutiv të AMC-së z. Stefanos Oktapodas, u përurua rikonstruksioni i Sallës së periodikut shqip e të huaj.
 |
Ligjëratë për Pier Paolo Pasolinin në Bibliotekën Kombëtare
Në kuadër të veprimtarive që po organizohen në Tiranë në kujtim të personalitetit të shquar të kulturës italiane Pier Paolo Pasolini (1922-1975) Instituti Italian i Kulturës dhe Biblioteka Kombëtare organizuan më 29 prill 2009, në mjediset e kësaj të fundit, një ligjëratë kushtuar jetës dhe veprës së tij. I ftuar nderi në këtë veprimtari ishte z. Roberto Chiesi, përgjegjës i Qendrës Studimore-Arkivore të Cineteca-s së Bolonjës.
 |
Shqipëria bibliotekare në Bibliotekën Digjitale Botërore
Biblioteka Kombëtare e Shqipërisë (BKSh) ftohet nga UNESCO-ja dhe Biblioteka e Kongresit Amerikan për t’u përfshirë si partnere në projektin Biblioteka Digjitale Botërore. Ftesa vjen mbas përfshirjes së BKSh, me statusin e partnerit të plotë, në Bibliotekën Europiane nëpërmjet Memorandumit të Mirëkuptimit nënshkruar më 18 shkurt 2008...
 |
Dita Botërore e Librit në Bibliotekën Kombëtare
Festimi i 23 Prillit, Ditës Botërore të Librit është bërë tashmë traditë edhe në Shqipëri. E iniciuar në vitin 2001 nga Biblioteka Kombëtare kjo festë shënohet me veprimtari të ndryshme të organizuara nga bibliotekat dhe institucionet e tjera të librit.
 |
Studiuesja angleze Averil Cameron në Bibliotekën Kombëtare
Znj. Averil Cameron, profesoreshë e historisë së antikitetit të vonë dhe të Bizantit në Universitetin e Oksfordit, ishte e ftuar më 7 janar të vitit 2009 në Bibliotekën Kombëtare në bashkëpunim me Qendrën e Studimeve Albanologjike dhe Institutin e Historisë.
 |
Edicioni i tretë i Konferencës Kombëtare të Bibliotekonomisë
Si institucion kulturor-shkencor i përbashkët Shqipëri-Kosovë, Konferenca Kombëtare e Bibliotekonomisë mbajti më 20 - 22 nëntor 2008 edicionin e tretë të saj nën temën “Biblioteka - urë mes dijes dhe publikut".
 |
Në Bibliotekën Kombëtare: 100-vjetori i Kongresit të Manastirit
Veprimtaritë në përkujtim të 100-vjetorit të Kongresit të Manastirit u çelën mbrëmjen e 12 nëntorit 2008 me një manifestim në mjediset e Bibliotekës Kombëtare. Nderuan me pjesëmarrjen e tyre kryeministri Sali Berisha, zëvendëskryeministri dhe kryetar i komisionit shtetëror për përkujtimin e 100-vjetorit të Kongresit të Manastirit Genc Pollo.
 |
Biblioteka Kombëtare e Shqipërisë në Bibliotekën Europiane
Është nënshkruar këto ditë Memorandumi i Mirëkuptimit mes Konferencës së Bibliotekave Kombëtare të Europës, të përfaqësuar nga Dr. Elisabeth Niggermann...
 |
Lucia Nadin në Bibliotekën Kombëtare
Biblioteka Kombëtare, në bashkëpunim me Institutin Italian të Kulturës në Tiranë, priti në mjediset e saj albanologen italiane Lucia Nadin. Veprimtaria mbresëlënëse e mbrëmjes së 24 tetorit 2004 u ndoq nga personalitete të jetës shkencore, kulturore dhe politike të vendit, nga studiues, gazetarë, studentë etj.
 |
Ekspozitë me botime të Eqrem Çabejit
Në 100-vjetorin e lindjes së Eqrem Çabejt, personalitet i shquar i shkencës dhe kulturës shqiptare, më 10 tetor 2008 u hap në mjediset e Bibliotekës Kombëtare një ekspozitë me botime që pasqyrojnë veprimtarinë shkencore gati 45-vjeçare të tij në fushën e albanologjisë, posaçërisht atë të gjuhës shqipe.
 |
Biblioteka vetjake e akademikut Aleks Buda i dhurohet Bibliotekës Kombëtare
Me rastin e dhurimit të bibliotekës vetjake të akademikut Aleks Buda Bibliotekës Kombëtare, Ministri i Turizmit, Kulturës, Rinisë dhe Sporteve z. Ylli Pango priti më 10.09.2008 përfaqësuesen e familjes Buda znj. Tatjana Haxhimihali (Buda) dhe drejtuesit e Bibliotekës Kombëtare.
 |
Promovohet monografia “Janko Hunyadi - mbrojtës i Krishterimit” e Camil Mureşanu
Botuar nga shtëpia botuese “55” monografia “Janko Hunyadi - mbrojtës i Krishterimit” e akademikut bashkëkohor Camil Mureşanu është një ndër botimet e para të kolanës Intelligenda, ideuar dhe drejtuar nga Dr. Aurel Plasari. Përurimi i saj u organizua në mjediset e Bibliotekës Kombëtare më 23 korrik 2008.
 |
Presidenti i Republikës Italiane dekoron Dr. Aurel Plasarin
Presidenti italian zoti Giorgio Napolitano i ka akorduar Dr. Aurel Plasarit Urdhrin e Meritës të Republikës Italiane (L’Ordine al Merito della Repubblica Italiana). Dekorata e lartë i është dorëzuar zotit Plasari gjatë ceremonisë së organizuar në mbrëmjen e datës 2 qershor 2008.
 |
Dita Botërore e Librit në Bibliotekën Kombëtare
Në ceremoninë e festimit të Ditës Botërore të Librit, më 23 prill 2008, në Bibliotekën Kombëtare – traditë tashmë disavjeçare - morën pjesë Ministri i Turizmit, Kulturës, Rinisë dhe Sporteve Ylli Pango, Ministri i Arsimit dhe Shkencës Genc Pollo, përfaqësues të Trupit diplomatik, personalitete të kulturës, bibliotekarë, etj.
 |
Java e Bibliotekës në Kosovë - 2008
Një delegacion i Bibliotekës Kombëtare të Shqipërisë, i kryesuar nga drejtori i saj Dr. Aurel Plasari, nga data 14 deri më 16 prill 2008 mori pjesë në edicionin VI të Javës së Bibliotekës në Kosovë.
 |
Seminar rajonal - "Sfida të menaxhimit të shërbimeve bibliotekare në epokën e Shoqërisë së Informacionit"
Në zbatim të detyrës ligjore si qendër metodike dhe profesionale për sistemin kombëtar të bibliotekave, Biblioteka Kombëtare organizoi seminarin rajonal “Sfida të menaxhimit të shërbimeve bibliotekare në epokën e Shoqërisë së Informacionit”.
 |
Festohet 85-vjetori i përurimit të Bibliotekës Kombëtare të Shqipërisë
Në pritjen e dhënë më 27 nëntor 2007 nga drejtori i Bibliotekës Kombëtare të Shqipërisë dr. Aurel Plasari për të festuar 85-vjetorin e themelimit të saj, morën pjesë personalitete të jetës kulturore dhe shoqërore të vendit, diplomatë të huaj, lexues, punonjës të bibliotekave etj.
 |
“Bibliotekat dhe kujtesa kombëtare” - edicioni i dytë i Konferencës Kombëtare të Bibliotekonimisë
Në kuadër të Muajit të kulturës Shqipëri-Kosovë dhe në vijim të Marrëveshjes së bashkëpunimit midis tyre, Biblioteka Kombëtare e Shqipërisë dhe Biblioteka Kombëtare dhe Universitare e Kosovës organizuan në Prishtinë...
 |
Ekspozita “Autorë gjermanishtshkrues për Shqipërinë”
Si kontribut i Bibliotekës Kombëtare për “Tetorin Gjerman 2007” më 8 tetor u përurua në prani të personaliteteve zyrtare, studiuesve të kulturës shqiptare, miqve gjermanë, specialistëve të bibliotekonomisë etj. ekspozita “Autorë gjermanishtshkrues për Shqipërinë” .
 |
100 vjetori i Mitrush Kutelit
Më 13 shtator 2007 Biblioteka Kombëtare organizoi në mjediset e saj ceremoninë festive në përkujtim të 100-vjetorit të lindjes së Mitrush Kutelit, personalitet i letrave dhe kulturës shqiptare. Morën pjesë shkrimtarë, studiues, botues, njerëz të arteve dhe kulturës, lexues etj. ...
 |
Ekspozita "Shenjtorë të Shqipërisë"
Në kuadër të veprimtarive përkujtimore të zhvilluara nga Ministria e Turizmit, Kulturës, Rinisë dhe Sporteve në 10 - vjetorin e vdekjes së Nënë Terezës (5-15 shtator 2007) Biblioteka Kombëtare organizoi më 7 shtator 2007 ceremoninë e çeljes për herë të parë për publikun të ekspozitës “Shenjtorë të Shqipërisë”.. ...
 |
Promovimi i librit '' PRESIDENTI IBRAHIM RUGOVA '' i autorit Sabri Hamiti
Paraditen e 2 korrikut 2007, në sallën e madhe të Bibliotekës Kombëtare, Tiranë, u zhvillua ceremonia e promovimit të librit të Sabri Hamitit “Presidenti Ibrahim Rugova. Memento për Rugovën”, në bashkëpunim me shtëpinë botuese “55”, realizuese e këtij botimi. ...
 |
Mbledhje e zgjeruar e Këshillit Kombëtar të Bibliotekave
Më 30 maj 2007, nën drejtimin e z. Ylli Pango, ministër i Turizmit, Kulturës, Rinisë dhe Sporteve në mjediset e Bibliotekës Kombëtare u mblodh Këshilli Kombëtar i Bibliotekave. Biblioteka Kombëtare paraqiti projektin “ Një strategji dhe plan veprimi për zhvillimin e bibliotekave publike shqiptare në Shoqërinë e Informacionit”, ...
 |
DITA BOTËRORE E LIBRIT NË BIBLIOTEKËN KOMBËTARE
Më 23 prill 2007, në mjediset e Bibliotekës Kombëtare në prani personalitetesh dhe miqsh të librit, të bibliotekave, të shkencës, të artit, përfaqësuesish të Trupit diplomatik etj. u përurua ekspozita “ Skënderbeu/ Për herë të parë për publikun/ Nga Koleksioni antikuar 1472-1830”, si ceremoni festimi e Ditës Botërore të Librit.
 |
KRIJOHET KONFERENCA KOMBËTARE E BIBLIOTEKONOMISË
Në kuadër të muajit të kulturës Shqipëri-Kosovë, në prani të personaliteteve të rëndësishme të jetës kulturore si nga Shqipëria ashtu edhe nga Kosova, drejtori i Bibliotekës Kombëtare të Tiranës, z. Aurel Plasari, dhe ai i Bibliotekës Kombëtare dhe Universitare të Prishtinës, z. Sali Bashota, më datë 20 shtator 2006 nënshkruan marrëveshjen e krijimit të institucionit më të ri në viset shqiptare...
 |
Veprimtari me Institutin "Goethe"
Më 7 mars 2006 në mjediset e Bibliotekës Kombëtare, ndërtesa e vjetër, përballë Kuvendit të Shqipërisë, u zhvillua ceremonia e nënshkrimit të Marrveshjes së bashkëpunimit midis Bibliotekës Kombëtare të Shqipërisë dhe Institutit “Goethe”.