Shërbimi i ISBN-së

KONTRATË

E lidhur sot më datën …………………… mes Agjencisë Kombëtare të Standardizimit të Botimeve të Librit, me adresë Sheshi “Skënderbe”, Tiranë, (si Dhënës) dhe Botuesit …………………………………….., me seli në………………., me adresë ……………………………………, i licensuar në …………….., më datën ………………...…, me nr. License …………………....(si Marrës) për realizimin e marrjes së Numrit Ndërkombëtar të Standardizimit të Librit (ISBN).
Kjo kontratë është hartuar mbështetur në Nenin 28 të Ligjit nr. 9616, datë 27.09.2006 “Për Librin në Republikën e Shqipërisë” dhe në “Rregulloren e Funksionimit të Agjencisë Kombëtare të Standardizimit të Botimeve të Librit”.

I. DETYRIME TË DHËNËSIT
1.T’i bëjë të njohur Marrësit rregullat e dhënies dhe marrjes së ISBN-së duke i ofruar atij edhe një kopje të manualit përdorues të ISBN-së;

2.Të caktojë për çdo Marrës (botues) identifikuesin e botimeve në çdo fillimviti dhe t’ia njoftojë atë marrësit;

3.T’i japë Marrësit, brenda një afati maksimalisht 24-orësh, llogaritur në ditë të punueshme, mbas kërkesës së tij, ISBN-në;

4.T’i japë Marrësit numër të pandryshueshëm të identifikuar për çdo titull, lidhje, ribotim etj. që i përgjigjet sistemit të kontrollit ndërkombëtar nga Agjencia Ndërkombëtare e ISBN-së (në Londër), i cili të përmbajë: identifikuesin e grupit, identifikuesin e botuesit, identifikuesin e titullit, shifrën e kontrollit.

II. DETYRIME TË MARRËSIT:
1.Të caktojë përsonin përgjegjës për marrjen, zbatimin dhe shënimin e ISBN-së në botimet e tij, i cili do të jetë …………………………………….;

2.T’i dërgojë Dhënësit çdo ndryshim të adresës (numër telefoni, faksi etj.) dhe çdo ndryshim të personit përgjegjës për botim;

3.Të dërgojë çdo fillimviti pranë Dhënësit numrin e titujve që parashikon të botojë;

4.Të paraqesë te Dhënësi kërkesën për numrin e ISBN-së për çdo botim të ri (titull, lidhje, ribotim), sipas formularit-tip të ofruar nga kjo agjenci;

5.Të shënojë ISBN-në e marrë duke e shtypur në libër sipas nenit 27 të Ligjit nr. 9616, datë 27.09.2006 “për Librin në Republikën e Shqipërisë”;

6.Të njoftojë Dhënësin për çdo numër të shtypur gabim;

7.Të njoftojë Dhënësin për çdo botim që nuk realizohet;

8. ISBN të shoqërohet me barkod.

9.Të shlyejë detyrimet ndaj Dhënësit për sa u përket Tarifës (në mënyrë vjetore) së dhënie-marrjes së ISBN-së dhe Detyrimit (në mënyrë korrente) ndaj Bibliotekës Kombëtare të Shqipërisë që rrjedh nga neni 42 i Ligjit nr. 9616, datë 27.09.2006 “Për Librin në Republikën e Shqipërisë”.

III. TË FUNDIT:
1.Marrësi ka të drejtën e ankimeve të shkallë-shkallshme sipas Nenit 30 të Ligjit nr. 9616, datë 27.09.2006 “Për Librin në Republikën e Shqipërisë”.

2.Dhënësi ka të drejtën e pezullimit të dhënies së ISBN-së, në rastin e shkeljes së një ose më shumë nyjeve të kësaj kontrate si dhe të mospërsëritjes së kontratës vjetore në rast mosshlyerje të detyrimeve parashikuar në këtë kontratë nga ana e Marrësit; pas shlyerjes së këtyre detyrimeve, kontraktualiteti mes Dhënësit dhe Marrësit vijon pa rrjedhoja.

3.Kjo kontratë kushtëzohet nga deklarata bashkëlidhur e detyrimeve ndaj Bibliotekës Kombëtare.

Kjo kontratë hyn në fuqi në datën e nënshkrimit të saj.

   Për Agjencinë Kombëtare të ISBN-së                                  Për botuesin
         Enkelejda Gashi (Shehu)