Në këtë formular mund të plotësohen fusha të ndryshme kërkimi. Duke klikuar 'Fillo kërkimin', realizohen kërkime për regjistrime që i përgjigjen pyetjes që keni formuluar pasi të keni futur të dhëna në fushat e ndryshme. Radha e plotësimit të fushave nuk ka rëndësi.

Mund të përdorni si shkronja të mëdha, ashtu edhe të vogla.

Lista
Duke klikuar në një nga butonat në të djathtë të formularit të kërkimit do të mund të kërkoni në listën e emrave që gjenden në katalog. Kërkimi mund të bëhet për autorë, organizata ose subjekte. Plotësoni fushën përkatëse në të majtë të butonit dhe klikoni butonin. Rezultati do të shfaqet në pjesën e tekstit ndihmës. Numri pranë termit tregon sasinë e regjistrimeve që përmbajnë këtë term. Klikoni mbi të dhe do të keni regjistrimet përkatëse.

Fusha
Zgjidhni fushën sipas së cilës do të kërkoni.
Kur dëshironi të kërkoni më shumë se një fjalë në një fushë, zgjidheni fushën në rreshta të ndryshëm dhe shkruani fjalët që dëshironi të gjeni. Mund të vendosni tronkimin dhe operatorët logjikë për secilën fushë veç e veç.

Vlera
Vlera është fjala e shkruar prej jush, e cila do të përdoret për kërkim nga wwwopac.

Tronkimi (këputja e fjalës)
Duke përdorur tronkimin (përmes klikimit në kutizën e zgjedhjes) mundësohet çdo varg shkronjash (ose dhe bosh) pas shkronjave që ju keni shkruar. Kjo do të thotë që kërkimi do të përfshijë çdo fjalë që fillon me shkronjat që ju keni shkruar, si edhe vargun e shkronjave që vjen pas tyre.

Një shembull:
Duke shkruar 'shko' në fushën titull do të shfaqen gjithë regjistrimet, që kanë në titull fjalë, që fillojnë me 'shko' (si 'shko', 'shkoj', 'shkollë' etj.).

Boolean
(Operatorët booleanë ose logjikë)
Kur doni të kërkoni në fusha të ndryshme mund t'i kombinoni ato duke përdorur 'edhe', 'ose' dhe 'jo'.

Baza e të dhënave
Në këtë fushë mund të zgjidhni bazën e të dhënave në të cilën doni të kërkoni. Klikoni shigjetën pas listës së bazave të të dhënave dhe zgjidhni njërën prej tyre.
Mund të kërkoni në pjesën e zgjedhur të katalogut ose në katalogun e plotë.
Lutemi të kini parasysh që katalogu ynë pasurohet në vijimësi me tituj të botimeve të reja që hyjnë në koleksionet tona; ndërsa informacionin bibliografik për botimet më të vjetra mund ta gjeni në skedarin tradicional me skeda.

Titulli
Në këtë fushë mund të shkruani fjalë nga titulli. Nëse shkruani më shumë se një fjalë, do të shfaqen të gjitha regjistrimet që përmbajnë këto fjalë, pavarësisht nga renditja e tyre në titull.

Autori
Në këtë fushë mund të shkruani mbiemrin ose mbiemrin dhe emrin e autorit që doni të gjeni (p.sh. 'frashëri' ose 'frashëri, naim ').

Kërkim në tekst (tekst i lirë)
Në këtë fushë mund të shkruani fjalë që u përkasin fushave të ndryshme. Renditja e fjalëve nuk është e rëndësishme.

Subjekti   
Këtu mund të shkruani subjekte për të cilat jeni të interesuar. Fusha plotësohet sipas listës së subjekteve të Bibliotekës Kombëtare. Edhe në këtë rast mund të përdoret tronkimi (këputja) i fjalëve. Një shembull për bazën tonë të të dhënave mund të jetë: 'kom', nga ky kërkim mund të gjejmë 'kombi', por gjithashtu 'kompiuter'.

Term gjeografik
Në këtë fushë mund të shkruani termin gjeografik për të cilin jeni të interesuar.

Emër personi
Në këtë fushë mund të shkruani emrin e personit për të cilin jeni të interesuar.

Viti
Këtu mund të shkruani vitin e botimit.

Numri i vendit
Këtu ju mund të shkruani numrin e vendit.